आपतकालिन सम्पर्क नं
प्रहरी कन्ट्रोल : १००, टोल फ्री नं.: १६६००१४१५१६
नेपा
EN
आश्विन २०७९
६७ औं प्रहरी दिवस २०७९ कार्यक्रम सम्पन्न
२०७९-०६-३१

लुम्बिनी प्रदेश प्रहरी कार्यालय दाङको आयोजनामा लुम्बिनी प्रदेश प्रहरी तालिम केन्द्र बुटवलको प्राङ्गणमा लुम्बिनी प्रदेशका माननीय मुख्यमन्त्री श्री कुल प्रसाद के.सी.ज्यूको प्रमुख आतिथ्यतामा आज मिति २०७९।०६।३१ गते ६७ औं प्रहरी दिवस २०७९ को मुख्य समारोहमा श्रद्धाञ्जली तथा पुनर्मिलन कार्यक्रम भव्यताका साथ सम्पन्न भएको छ । कार्यक्रममा विशेष अतिथिको रुपमा लुम्बिनी प्रदेशका माननीय आन्तरिक मामिला, कानून तथा संचार मन्त्री तिलकराम शर्मा र अतिथिको रुपमा अन्य सुरक्षा निकाय तथा सरकारी कार्यालयका प्रमुख तथा प्रतिनीधिहरू, अमर प्रहरीका परिवार, पूर्व प्रहरी कर्मचारी तथा प्रहरीलाई सहयोग गर्ने विभिन्न व्यक्तित्वहरूको उपस्थिति  रहेको थियो । उक्त अवसरमा समुदाय प्रहरी साझेदारी कार्यक्रम अन्तर्गत विभिन्न क्षेत्रमा प्रहरीलाई सहयोग गर्ने व्यक्तित्वहरूलाई सम्मान गर्ने क्रममा प्रमुख अतिथिबाट सम्मान-पत्र प्रदान गर्नुको साथै नेपाल राष्ट्र र नेपाली जनताको हित एवं प्रतिष्ठा अभिवृद्धि गर्न उल्लेखनीय कार्य गर्ने प्रहरी अधिकृत तथा जवानहरूलाई  विशेष अतिथि  माननीय आन्तरिक मामिला, कानून तथा संचार मन्त्री तिलकराम शर्मा तथा प्रहरी नायव महानिरीक्षक नल प्रसाद उपाध्यायबाट नगद पुरस्कार तथा प्रशंसा-पत्र प्रदान गरिएको थियो ।          लुम्बिनी प्रदेश प्रहरी तालिम केन्द्रका प्र.नि नविन ओलीद्वारा संचालन गरिएको कार्यक्रममा प्रमुख अतिथिबाट अमर प्रहरी स्मारकमा पुष्पहार अर्पण गरी अमर प्रहरीहरूको सम्झनामा शोक सलामी अर्पण गर्नुका साथै कार्यक्रममा उपस्थित प्रहरी अधिकृत तथा जवान प्रशिक्षक तथा प्रशिक्षार्थीहरू र अमर प्रहरीका परिवार, पूर्व प्रहरी कर्मचारीद्वारा अमर प्रहरी स्मारकमा पुष्पगुच्छा अर्पण गरिएको थियो । कार्यक्रममा प्रहरी दिवसका अवसरमा प्रहरी महानिरीक्षक धिरज प्रताप सिंहको शुभकामना सन्देश लुम्बिनी प्रदेश प्रहरी तालिम केन्द्र, बुटवलका समादेशक प्रहरी वरिष्ठ उपरीक्षक बिनोद घिमिरेले बाचन गर्नुभएको थियो । लुम्बिनी प्रदेश प्रहरी प्रमुख श्रीमान प्रहरी नायव महानिरीक्षक नल प्रसाद उपाध्यायज्यूबाट प्रमुख अतिथि, बिशेष अतिथि तथा अन्य आमन्त्रित सम्पूर्ण अतिथि महानुभावहरूमा धन्यवाद ज्ञापन पश्चात कार्यक्रम सम्पन्न भएको थियो ।  
लागूऔषध सहित मानिस पक्राउ
२०७९-०६-२६

जिल्ला नवलपरासी रामग्राम नगरपालिका-१८ धर्मपुर बस्ने बर्ष २९ को दानेल गैरेको  एक तल्ले पक्की घरमा लागूऔषध राखिएको छ भन्ने विशेष सुचनाको आधारमा प्रहरी टोली खटिगई खान तलासी गर्दा निजको घरको कोठा भित्र तहता माथि कालो प्लाष्टिकमा १४३ क्याप्सुल स्पास्मो र बाहिर १५७ ट्याब्लेट नाईट्राभेट-१० लागूऔषध फेला पारी मानिस सहित नियन्त्रणमा लिई थप अनुसन्धान कार्य भईरहेको ।
पानीमा डुबि मृत्यु
२०७९-०६-२४

जिल्ला बाँके जानकी गाउँपालिका-२ बनकटुवा बस्ने राजन सिंहको छोरा वर्ष २ को राजमिन्द्र सिंह खेल्ने क्रममा आफ्नै घरको पछाडि पानी जमेको खाल्डोमा डुबि रहेको अवस्थामा निजको बुबाले देखि बाहिर निकाली उपचारको लागि नर्सिङहोम नेपालगंज बाँकेमा ल्याएकोमा डाक्टरले मृत्यु घोषणा गरेको लाश पो.मा.को लागि भेरी अस्पताल नेपालगंज बाँकेमा पठाईएको ।
सवारी दुर्घटनामा १ जनाको मृत्यु
२०७९-०६-१९

जिल्ला रुपन्देही रोहीणी गाउँपालिका वडा न.३ धकधई स्थित लु१ज २८५३ न.को कारले लु ४१ प ९८७ न.को स्कुटीलाई ठक्कर दिदा स्कुटी चालक जिल्ला रुपन्देही बुटबल उ.म.न.पा.११ देबिनगर बस्ने बर्ष १९ को सुजन चौधरी र स्कुटी पछाडी सवार निजको दिदि बर्ष २१ की झरना चौधरी गम्भिर घाईते भई उपचारको लागी भिम अस्पताल भैरहवा पठाईएको, उक्त स्थानमा प्रहरी टोलि खटिगएको दुवै सवारी साधन र कार चालक नियन्त्रणमा, उपचारको क्रम्मा झरना चौधरीको मृत्यु भएको ।
पानीमा डुबी मृत्यु
२०७९-०६-१८

जिल्ला दाङ लमही नगरपालिका-६ अर्जुन खोलामा पौडि खेल्ने क्रममा निम्न स्थान बस्ने निम्न बालकहरु पानीमा डुबेको अबस्थामा स्थानियले फेला पारी उपचारको लागी लमही अस्पताल लमही, दाङमा ल्याएकोमा डाक्टरले मृत घोषणा गरेको, उक्त स्थानमा प्रहरी टोली खटि गएको ।                                                   निम्न :-१. जिल्ला दाङ लमही नगरपालिका-४ अर्ना बस्ने सुदिप बि.क.को. छोरा बर्ष १२ को अतित बि.क. । २. ऐ.ऐ.बस्ने बुवा आमाको नाम नखुलेको बर्ष ११ को ललित परियार ।
सवारी दुर्घटनामा १ को मृत्यु, १ जना घाईते
२०७९-०६-१८

बर्दिया गुलरिया नगरपालिका-८ निलो पेट्रोलपम्प नजिकै हुलाकी सडकखण्डमा पुर्बबाट पश्चिमतर्फ आउँदै गरेको जिल्ला बर्दिया बढैयाताल गाउँपालिका-५ फूलबारी बस्ने बर्ष १८ को सतीराम चौधरीले चलाएको भे३प ४६९४ नं. मो.सा. आफै अनियन्त्रित भई दुर्घटना हुँदा मो.सा. चालक र सोही मो.सा. मा सवार ऐ.ऐ. बस्ने बर्ष १८ को धनबीर चौधरी गम्भिर घाईते भई, दुबैजना घाइतेको बर्दिया अस्पताल गुलरियामा उपचार भईरहेको, उक्त स्थानमा प्रहरी टोली खटिएको, मो.सा. प्रहरीको नियन्त्रणमा ।मो.सा. चालक सतीराम चौधरीको उपचारको क्रममा मृत्यु भएको, मृतक लाश बर्दिया अस्पतालमा रहेको, धनबीर चौधरी थप उपचारको लागि नेपालगंज रिफर भई गएको ।
सवारी दुर्घटना
२०७९-०६-१८

दाङ घोराही उप-महानगरपालिका-५ नैनवार स्थित रा ५ प २११ नं.को मो.सा.ले पैदल यात्रीलाई ठक्कर दिई निम्न स्थान बस्ने निम्न ब्यक्तीहरू घाईते भई राप्ती स्वास्थ्य बिज्ञान प्रतिष्ठान घोराही दाङमा ल्याई उपचार भई रहेको मो.सा.प्रहरीको नियन्त्रणमा ।निम्न घाईते:‍- १-मो.सा.चालक जिल्ला दाङ घोराही उ.म.न.पा.३ बस्ने वर्ष ३० को सन्तोष बुढाथोकी, अबस्था सिरियस ।२-पैदल यात्री नामथर वतन नखुलेको वर्ष २३ को पुरूष ब्यक्ति, अबस्था सिरियस ।
पोखरीमा डुबि मृत्यु
२०७९-०६-०५

जिल्ला कपिलबस्तु शुद्धोधन गाउँपालिका २ कर्माहवा बस्ने बर्ष २६ को मन्जे यादवको छोरा ६ महिनाको नाम नखुलेको र निजको श्रीमति बर्ष २२ कि रिमा यादव घर देखि २५ मिटर पूर्ब रहेको  सार्बजनिक पोखरीमा डुबि मृत्यु  भएको भन्ने खबर प्राप्त हुन साथ प्रहरी टोली खटि गई थप अनुसन्धान कार्य भईरहेको । 
करेन्ट लागी मृत्यु
२०७९-०६-०४

जिल्ला बर्दिया मधुवन नगरपालिका-५ गाउँ नं. १० बस्ने बर्ष ४२ को हर्क बहादुर नेपाली आफ्नै घरको बिद्युतको तार जोड्ने क्रममा अचानक दाँया हातमा करेन्ट लागी सक्त भई उपचारको लागी बर्दिया अस्पताल गुलरिया लैजादै गर्दा बाटोमा मृत्यु भएको, लाश बर्दिया अस्पताल गुलरियामा रहेको, उक्त स्थानमा प्रहरी टोली खटि गएको ।
प्रभात फेरी कार्यक्रम सम्पन्न
२०७९-०६-०३

असोज-३ गते, जिल्ला रुपन्देही बुटवल उप-महानगरपालिका-१० स्थितबाट आन्तरिक मामिला कानून तथा संचार मन्त्रालयको आयोजनामा (संबिधान दिवस, २०७९ को अवसरमा प्रभात फेरी) कार्यक्रम प्रमुख अतिथि लुम्बिनी प्रदेश प्रमुख माननीय श्री अमिक शेरचन र प्रमुख अतिथि माननीय मुख्य मन्त्री श्री कुल प्रसाद के.सी.ज्यूको अध्यक्षतामा  सुरु भएको उक्त कार्यक्रममा लुम्बिनी प्रदेशका मन्त्रीहरू, प्र.जि.अ. भरतमणि पाण्डे, नेपाली सेनाको सहायक रथी नवराज गुरुङ, लुम्बिनी प्रदेश प्रहरी कार्यालय, दाङका प्रमुख प्र.ना.म.नि. नल प्रसाद उपाध्याय, स.प्र.ई.का.भैरहवाका प्रमुख प्र.ब.उ.शिद्धीबिक्रम शाह, प्र.ता.के.बुटवलका प्रमुख प्र.ब.उ. सुरेन्द्र प्रसाद मैनाली, नेपाल प्रहरी रामार्ग सुरक्षा तथा ट्राफिक व्यवस्थापन कार्यालय, बुटवलका प्रमुख प्र.उ. योगेन्द्र सिंह थापा, जिल्ला प्रहरी कार्यालय रुपन्देहीका प्रमुख प्र.उ. रबिन्द्र रेग्मी, स.प्र.बल नेपाल २७ नं. गणका स.प्र.उ. गगन श्रेष्ठ, विभिन्न संघ संस्थाका पदाधिकारीहरू लगायत अन्दाजी १५०० उपस्थिति रहेको थियो । उक्त प्रभात फेरी कार्यक्रम बुटवल चौराहाबाट सुरु भई अन्तराष्ट्रिय सम्मेलन केन्द्रमा पुगी कार्यक्रम गरी सम्पन्न भएको थियो ।
लागूऔषध सहित पक्राउ
२०७९-०६-०२

दाङ लमही नगरपालिका-९ अमिलिया स्थित अमिलिया चोकमा घोराहीबाट भारतको दिल्ली तर्फ जाँदै गरेको ना.७ ख. ९०५ नं.को बसलाई गोप्य सूचनाको आधारमा प्रहरी टोलीले नियन्त्रणमा लिई चेक जाँच गर्ने क्रममा उक्त बसमा सवार निम्न स्थान बस्ने, निम्न ब्यक्तिहरुबाट निम्न परिमाणमा चरेस जस्तो देखिने प्लाष्टिकमा बेरेको गिलो पदार्थ सहित फेला पारी निजहरुलाई नियन्त्रणमा लिई थप अनुसन्धान कार्य भईरहेको ।                                                       निम्न :-१) जिल्ला दाङ घोराही उप-महानगरपालिका-१३ डुमरगाँउ बस्ने बर्ष ४० की सुशिला गिरीको साथ बाट ४ के.जी. २६५ ग्राम । २) जिल्ला रोल्पा लिबाङ नगरपालिका ६ कोटगाँउ घर भई हाल जिल्ला दाङ घोराही उप-महानगरपालिका-१३  सेवार बस्ने बर्ष ३८ की खुशी पुन मगर भन्ने एकता पुन मगरको साथबाट २ के.जी. ९५ ग्राम गरी दुवैको साथबाट प्लाष्टिक सहित तौल गर्दा जम्मा ६ के.जी. ३६० ग्राम बरामद भएको ।
डुबि मृत्यु
२०७९-०६-०२

बाँके कोहलपुर नगरपालिका-८ पिपरी बस्ने जिवन गिरीको छोरा बर्ष ११ को आकाश गिरी लगायत ३ जना सिक्टा नहरमा पौडी खेल्ने क्रममा बर्ष ११ को आकाश गिरी डुबी मृत्यु भएको भनि जानकारी भए पश्चात प्रहरी टोली खटिई गई आवश्यक अनुसन्धान कार्य भईरहेको ।
करेन्ट लागी मृत्यु
२०७९-०६-०१

जिल्ला बाँके राप्तिसोनारी गाउँपालिका- ८  सम्शेरगंज बस्ने बर्ष ७३ को बुद्धीमान लामाले दाउरा काट्ने क्रममा घरबाट पानी तान्ने मोटरमा जोडेको तार काटिन गई आफैले जोड्ने क्रममा करेन्ट लागी घाईते भई औषधी उपचारको लागी बुहारी र नातीले मेडिकल कलेज कोहलपुर बाँकेमा ल्याई उपचारको क्रममा मृत्यु भएको, उक्त स्थान प्रहरी टोली खटि गएको । 
अधिक लोड >>
कम देखाउनुहोस् <<

वैशाख २०८१

चैत्र २०८०

फाल्गुण २०८०

माघ २०८०

पौष २०८०

मंसिर २०८०

कार्तिक २०८०

आश्विन २०८०

भदौ २०८०

श्रावण २०८०

असार २०८०

जेष्ठ २०८०

वैशाख २०८०

चैत्र २०७९

फाल्गुण २०७९

माघ २०७९

पौष २०७९

मंसिर २०७९

कार्तिक २०७९

आश्विन २०७९

भदौ २०७९

श्रावण २०७९

असार २०७९

जेष्ठ २०७९

चैत्र २०७८

फाल्गुण २०७८

माघ २०७८

पौष २०७८

मंसिर २०७८

कार्तिक २०७८

आश्विन २०७८
अधिक लोड >>
कम देखाउनुहोस् <<